عرفنا بنفسك
أنا المؤسس والمدير التنفيذي لشركة Zero Calorie و مدرب رياضي معتمد من ISSA من أمريكا. أنا درست هندسة ميكانيكا وكنت المدرب الجماعي السابق ل Gold’s Studio.
اشرحلنا خبرتك في المجال ده؟
خبرتي بالأساس في التدريب الرياضي. بعملها من كتر حبي في المجال الرياضي، لكن بردو حبيت إني أكون محترف في المجال فدرست الموضوع بشكل أكاديمي وبعدين طبقته في الشغل السنتين اللي فاتوا. أنا فخور بالنتايج الرائعة اللي قدرت أوصلها مع العملاء اللي اشتغلت معاهم.
بدايتي في المجال كانت التمرين في أكتر من جيم أو نادي رياضي آخرهم كان في جولدز ستوديو Gold’s Studio، بعدها قررت أفتح مشروعي الخاص.
قول لنا على فلسفتك في التمرين؟
أنا بشتغل بالتوجه ده: اوصل لهدفك ببطء وبشكل مستمر ومستدام من غير المكملات اللي بتحرق دهون والكيماويات , الاسترويدز.
مفيش طريق مختصر; اللي بيجي بسرعة بيروح بسرعة.
إيه طريقتك المفضلة في التحفيز؟
من أكتر الحاجات اللي بتدعم الواحد نفسيا وتوري العميل قد إيه هو تطور هو إني أوريله هو\هي كانوا فين وبقوا فين عن طريق إني أتابع التطور ده. بخلي في صور قبل وبعد، بنشوف سوا القياسات المختلفة اللي اتحسنت. المعلومات الواضحة وشكل جسمك الخارجي لما بتشوفه قدام المرايا أول ما تصحى مش بيكذب أبدا.
إزاي بتتابع نتائج الهدف الرياضي؟
١. القياسات
مؤشر كتلة الجسم
مقاس الصدر
مقاس الوسط
٢. إختبار الإن بودي
(inbody)
نسبة المياه
البروتينات
المعادن
الدهون
٣. تقييم اللياقة الشهري
عدات التمارين
مدة التمرين
الرشاقة
٤. صور قبل وبعد
هل بتحب تشتغل مع فئة محددة (مثال: الرياضيين، الشباب)؟
من معلوماتي وخبرتي، أنا بالفعل اتعاملت وبتعامل مع فئات مختلفة عشان نوصل لهدف رياضي معين طالما العميل ملتزم بالهدف. ممكن نغير أو نعدل واحنا شغالين عشان يتوافق أكثر مع سن وقدرة وأداء العميل، بس دايما في نظام هيشتغل وهيجيب نتيجة.
كلمنا أكتر عن التغذية، هل بتعمل أنظمة غذائية؟
طبعا، ده جزء أساسي من نجاح أي خطة رياضية. بناءا على قياسات وعمر كل عميل وسواء هو رجل أو أمرأة بنعمل الآتي:
١. بنعمل خطة تغذية كاملة مع حصص الوجبات وعدد المرات خلال اليوم
نمط الحياة النشيط بيخنلف عن نمط الحياة الغير النشط ، وهنا بتلعب التغذية دور رئيسي في إننا نوصل لهدف اللياقة اللي إحنا عاوزينه.
٢. بنرسم خطة رياضية تساعدك على الوصول لهدفك ويكون متوافق مع إمكانياتك الحالية.
عاوز تزود العضلات أو تنقص الوزن أو يكون جسمك رشيق؟ كل واحدة من دول ليها مجموعتها الخاصة من التمارين وخطة التمرين اليومية.
عاوز نتائج أسرع ولا عاوز تأخذ وقتك عشان تبني جسمك؟ إجابة السؤال ده بتفرق في عدد أيام التمرين مقابل عدد أيام الراحة.
٣. بعرفك نصائح ومعلومات عن أفضل الممارسات
مش فكرة سيئة أبدًا إنك تتعلم وتعرف إزاي العالم بيتطور في مجال اللياقة والتغذية ، عشان كده فإن بعض نصايحي بتكون مستوحاة من النتائج الرائعة التي بيوصلها مدربين اللياقة البدنية حول العالم بالإضافة إلى ملمس فهمي لاحتياجات عميلي والإمكانات اللي عنده.
إيه هو تخصصك الرياضي؟
مدرب رياضي معتمد من ISSA من أمريكا.
إزاي بتقيم لياقة العملاء الجدد؟
بنمر بالخطوات التالية:
١. نبدأ بتحديد هدف اللياقة اللي عاوزين نحققه (فقدان الوزن ، أو اكتساب الكتلة العضلية ، أو الجسم النحيل ، إلخ)
٢. بطلب إجراء اختبار شخصي عشان أعرف تكوين الجسم (دهون الجسم ، العضلات ، إلخ).
٣. بعرف إذا كان في أي مشاكل طبية أو أمراض عائلية
٤. إجراء تقييم لقدرات الجسد الرياضية عشان نعرف هنبدأ منين
٥. أخيرًا ، بنصمم الخطة اللي بتناسب مع كل المعلومات اللي فوق
إيه رأيك في دروبلن؟
“Droplen هو مجتمع رائع بتقدر توصل بسهولة للي انت محتاجه. مكان مثالي وبالأخص لظروف حياتنا الحديثة.”
